Tordoia arqueolóxica

A importancia histórica e artística de Tordoia vén marcada pola presenza de importantes restos arqueolóxicos de gran valor. Levantado no Neolítico e á cabeza de todos eles, sitúase o coñecido como Dolmen de Cabaleiros ou “Casa da Moura” (terceiro milenio A.C.).

O segundo conxunto megalítico máis visitado deste período e que perdurou ata os nosos días é a Pedra Longa, situada na parroquia de Cabaleiros

Superada a idade de bronce, a situación poboacional de Galicia enriqueceuse de diferentes coñecementos. Atópanse poboados organizados en pequenos grupos, que traballaban o campo, servíanse da caza ou da pesca, e a priori non tiñan excesivo contacto entre os seus focos. O seu legado artístico máis coñecido é a cultura castrexa, e neste municipio hai numerosos deles.

Estes pequenos poboados inciais teñen distribución irregular e ubícanse en antiplanos, de tal forma que poidan dominar certo sector visual. Os romanos bautizáronos como Castros, pola similitude cos seus campamentos militares.

Close